Letter by Ubbo Emmius to Eisen Lanckes

Transcript

f.21r

Gunstige gude frindt, ik kan J. L. vnvermeldett nicht laten, wo
yw hulper Berent brouwer tho my gekomen vnd van my begcheert,
ick wulde diesen Jungen an yw schicken vnd schrifftlich tho erkennen geuen,
datt hoechlikenn daran gelegenn der gemehne sake haluen, datt gi
one vertoch vnd sumentt noch van dage hyrkomen. De orsake werde
gi verstaen wan gi hyr yegewerdig syn. Datt mandaett, so
gi vthgebracht vp de olde kerckvogedene, hefft mehr schade alse
vordell geschaffett, wo ick versta, den itt van Vbben vnd Jurrien
nicht woll genahmen. Vnd twaren, wen gi my dattsuluige yuwer
vernehmentt geopenbarett hadden, ick wulde yw datt nicht dermaten
vnd vp sulcke wise geradenn hebben. Gedencke woll, watt yw
dartho bewegett hefft: ouerst darvan iegenwordich. Gi konen mitt
yuwe iegenwordicheitt alles beterenn vnd vorthelpen. Moten ouerst nicht
sumen. Berent hefft ock begherett, datt gi desen yungen ein
schriuentt an den huirman bi Wehner mede doen willen, darmitt he
vermanett datt he one vertoch, datt geltt hyr bringe etc. Ditt alles
hebbe ick berentt nicht weigern mogen noch schelen, Datum Lehr etc.
Vbbo Emmen.

f.21v

Dem achtbarem vnd Ehren
hafftem Eisen Lanckes
tho Vollen, mynen guden
frinde tho
handen