Letter by Daniel Alting to Ubbo Emmius d.d. 18 January 1614

Transcript

f.65r
S. Die Sabbathi nouum rursum ad te literarum fasciculum 
dedi per tabellionem ordinarium. Quem spero recte, 
et quidem in tempore esse redditum. De quo tuas ex-
specto. Nunc significo Com. die eodem venisse 
huc et haerere etiamnum.  Et quia ex senatu 
neminem ad se venire jussit, de aduentus sco-
po necdum mihi constat. De Comitijs scripsit, 
aut scripturus est D. Althusius, qui hodie ad 
ea cum collegis redijt. D. Amama a dua-
bus praefecturis, Grethana nempe et Emdana 
est restitutus. Quid facturae caeterae, tempus 
dabit. Comes suam pecuniam anxie exigit, 
at de abrogat. Vectigalis ne mutit quidem. 
D. Danieli concessum a senatu, ut in ae-
des paternas migret. Ex senatu et 
Praesbyterio mittentur Northornam, qui 
Menconem istum audiant: post inducum, 
ut hic quoque se audiri sinat. 

f.65v
Venit heri Hamburgensis tabellio, et cum eo 
et litteris, quas portauit, nuncium; Brunsvicen-
ses novem ex primoribus, et rei, contra prin-
cipem gestae, ductoribus, manu Carnificis de-
collari curasse. Unum adhuc quaerere in 
Urbe latitantem. Quae tragoedia sane
in aula gaudium peperit, vicinis horrorem 
incussit. Nam Bremenses moti ea, murmu-
rare quoque contra senatum incipiunt: 
Cui propositum a civibus, caueant diligenter ne extraneis 
foederibus se misceant. Scribitur quoque 
Danum magis magisque caussas quaerire in 
Hamburgenses insurgendi. Ita in vicinia 
omnia ad motus spectant. De quibus 
rogo ut quamprimum magnum illum 
amicum nostrum certiorem reddas. Illa 
quae ad morbum et sequentia patris per-
tinent, proxime missurus sum. 

f.66r
Eppianas, huic nuncio Wesaliensi ante meum 
ex curia reditum, Uxor tradiderat. alioqui eas [] inclusissem hisce: Nunc Hospitis in-
cludo, ab eodem ad me allatas. Turbo noster 
sibimet ipsi, ut Turdus, malum cacat. 
Haec valde festinanter, non licuit re-
legere. Ignosce: et vale cum 
tuis, quos amanter saluto. 
Emdae 18 Jan. 1614
Tui observantissimi.
Quem nosti []

f.66v
Dem Erentuesten und 
hochgelerden hers Vbboni 
Emmen Professoren 
der Scholen tho Gronin-
gen, in des hers Rectors 
behuesunge int broer Cloester 
tho bestellen,
Groningen

Accepi 19 Ianuaarij 1614
D. Althusius Marienhovam ad comitia redijt.
D. Amama a duabus praefecturis
Grethana et Emdana 
est restitutus
Com. Enno Emdam uenit.