Transcript

Transcript

f.1r

Clarissime uir, exemplar scripti Emdensium ad me remissum
una cum literis tuis accepi die 10 April. eoque nomine gratias
tibi maximas ago. Bene habet, Cancellarius quod se prodiderit 
quamuis simulare maxime uolens: quem suspicor & hoc isto in foro
occultasse, quo praecipue usus est ad inuidiam Emdanis conflandam in
aula imperatoris, fiducia scilicet tacitae consensionis cum Belg. ordinib.
res nouas coeptare oppidanos, & caeteros per eundem agrum ordines ple-
rosque, ac ab imperio alienare prouinciam istam in animo habere, id quod odio-
se passim ab aula ista spargitur per Germaniam. Mit-
to tibi exempla Epistolarum quas Poloniae & Sueciae Rex, eiusque ma
ter, & Carolus Finlandus regis patruus pro Edsardo ad Imp. scrip
serunt, iniquarum criminationum contra Emd. & caeteros Comitatus illius or
dines plenas, quae exempla missurum me nuper discedens promisi.
De reb. quae Emdae & in ea uicinia aguntur, sic ex amicorum literis
accepi. Nobilitas ante dies aliquot in unum coacta Oldershemi, deli
berata re, ad Comitem scripsit, & hortata eum est grauiter, ut misso
armorum apparatu ob calamitates , quas arma secum trahere solent, ad pa-
cem & compositionem amicam consilia referret, eiusque rei gratia conuen-
tum ordinum suorum indiceret. Comes respondit alienissime, non esse
sibi integrum, ad ipsorum uoluntatem conuentus agere, & arma dimittere,
cum subditi arma tenerent: se etiam consilium sine ipsis expediturum.
Post rursum nobiles coierunt Vphusae in uico prope Emdam: sed
istic quid actum, nondum mihi auditum. Tentauit eodem fere tempore
Comes Broeckmerlandos (hi pars sunt populi Frisiae Orient) ad
nouum iuramentum adigere, ex quo tenerentur contra Emdanos arma ca
pere. Sed responsum tulit, uelle omnes pridem praestiti iuramen-
ti fidem integram, ut fideles deceat, praestare domino suo, sed nouo
se sacramento a priore diuerso illigare, & et in ciuitatem arma capere,
sine qua ipsi uiuere non possint, non esse sibi integrum. Speramus
exemplum ad caeteros promanaturum. Emdani oblatam conditionem ab
ordinib. Belg. sine tergiuersatione pro parte sua admiserunt: Comes
admissurus non creditur: id quod apparatu armorum eius admodum
fit uerosimile: Cuius emissarius heri, ni fallor, aut nudius tertius,

f.1v

hic in oppido, nescio Senatu, conatus est militem conscribere: sed
re cognita a Consule cum increpatione confestim oppido, a deputatis
ordinum toto quoque agro discedere iussus est. Conscripti a Comite aut arra
militari obligati dicuntur iam 1700 esse, haerentes in extremis Comita-
tus partib. Com. Enno in patriam rediit, & mire occupatus est, pu
taturque ad pacem inclinare, si se persuaderi parens sinat ὁ γυναι-
κοκρατούμενος. Arcem arcte premunt Emdani, & spem omnem ingres
sus iam praecluserunt. Plura uellem, si tempus ferret. Te
amplissime domine, rogo, ut haec, quae petitioni tuae obsequi uolens rap
tim in chartam conieci, boni consulas, & lecta, periculi causa, in
ignem statim coniicias: postremo, Generoso Comiti me commendes. Vale
die 14 April. anno 1595. Groningae.
                ​​​​​​​        ​​​​​​​        ​​​​​​​        ​​​​​​​        Ampl. tuae obseruantiss. quem nosti.

Amplissimo, doctrina
& uirtute praestantissimo
uiro, dn. Eberhardo Rey-
Dano, generoso atque in
clito principi d. Guilhel-
mo Ludouico Nass. Co
miti etc. a Secretis, domino
su<o> plurimum colendo.
<Lewae>rdenn.  

​​​​​​​Im affwesent dem secretario Quade tho Verbreecken.