Munus tuum nec tenue est, ut tu scribis, nec inelegans: maius certe, quam nostra in te officia meruerunt. Existimo me tibi nunc non solum amicitiae lege, sed etiam beneficio esse obligatum. Et senties me non ingratum, si qua in re mei tibi usus esse possit. Iam, quod solum possim, gratias ago. Vxor partui proxima, quem anxie expectat, te & tuam officiose salutat. Vale, & breuitati meae ignosce, quam mihi occupationes iniungunt. Raptim Groningae, die 15 Novemb anno 1596. Tui obs. Vbbo Em.
f. 7v
Reuerendo & nobili uiro, pietate & doctrina praestanti dn. Nicolao Clant; uerbi di- uini ministro in Vthusen, amico suo colendo.
