Letter by Daniel Alting to Ubbo Emmius d.d. 18 October 1613

Transcript

f. 55r

S. Hactenus moeror ille meus et quidem
nouus, me ab omni scriptione abstraxit. 
Eum ab eo tempore alia incommoda secuta 
in caussa nostra communi, quae paene me
omnis consilii incertum faciunt. Hodie 
etiam nouum laborem l[e]ntius obiecit. adeo 
vt si vellem, scribere iam multa non
possem. Quod boni tu consules; hoc est 
dolori et moerori ignosces. In-
terea Grotii, viri magni, speique maximae
responsum ad Sibrandi dedicatoriam 
epistolam et latinum et in belgicam linguam 
translatum ab Theologo, vt audio, tibi
noto(1) Gallicum nondum vidi. Haec res vi-
detur excitatura magnum puluerem.
Ego, vt verum dicam, vellem Sibrandi
epistolam illam nunquam excusam. Quod omnes 
quoque moderati et boni optant. Tuis 
sal. cum Nob. Domino Condero et Domino Castrichomio.
a Gerlaco saluete. Raptiss. Hagae
28/18 Octob. 1613 
Me nosti [etc]

(1) In margine:
dono tibi
mitto vt
Censeas.

f.56v

Vb: Emmen

A Daniele Altingio accepi
cum Grotii inuectiua in
Dominum Sibrandum, die 22 Oc-
tob. 1613