Letter by Ubbo Emmius to Henricus Eppius d.d. 1 June 1600

Transcript

f.68r

In margine:
Henrico Eppio
1600

Habes en testimonium quod petiisti.
In quo tantum momenti inerit, quantum
tu vivendo agendoque bono ei adiicies
Sed vide apud Oldenburgicos ne eo nitaris
apud quos in magna scilicet sum gratia sum ob no-
bilem dominum tuum & generosum fratrem eius
a quibus calamum meum conductum sibi som-
niant, inopissimi homines.
Quae cum legunt iidem illi tui 
in pagellis publice in me edi-
tis, si modo legunt, credo eos risum
tenere non posse. Ego λοιδορίας
hominum male feriatorum, nimium vanas futiles
cum vana futilissima reprehensione
scriptorum meorum contemno, quanquam sicas
aut alia huiusmodi non obscure mihi
minitentur. Deus enim rector summus
sine cuius voluntate possunt nihil. Et
convitiatores boni sibi plus nocent quam mihi.
Tibi faelix iter precor. Vale ipsis
Calend. Iunii anno 1600