Letter by Ubbo Emmius to Henricus Eppius d.d. 1606

Transcript

f. 94r

Tuas literas recte accepi. Sum iam occupatus 
in conficienda ultima defensione causae meae contra 
Tammonem Valck. In eum usum valde 
desidero copiam habere libri iuris municipa-
lis ad paucas horas. Si istinc per filium meum
qui apud vos nunc est, & quem quamprimum rediturum 
ad nos expecto, transmittere eum undec[un]que con-
fectum possis, feceris mihi rem gratissimam. Dabo
operam ut acceptum quam ocyssime per idoneum inter-
nuncium remittam sine uitio & impendio. 
Sin id fieri non potest, rogo ut significes mihi 
per epistolam, an parentes contra liberorum tes-
tamenta etiam querelam officiosi habeant, & si 
sic, quib id uerbis decernatur. Item an nuptui 
non consentientib. parentib. poenam exhaeredationis 
mereantur. An aeque matris ac patris con-
sensus ad nuptias liberorum requiratur: an pater 
legitimus tutor liberorum teneatur quoque ad red-
dendas, administrationis suae rationes: Item 
quib. verbis concepta sit lex de factione testa-
menti in universum.